Бидэнтэй хамртан ажиллах

 

Бидэнтэй хамртан ажиллах

Холбоо барих

ШАВЬ НАРАА МАССААР НЬ СУРЛАГЫН ЧАНАРЫГ АХИУЛЖ БАЙГАА БАГШ НАРЫГ УРАМШУУЛНА

Image

Аймгийн Засаг даргын Даваа гараг бүрийн ээлжит шуурхай зөвлөгөөн боллоо.

Энэ удаагийн хуралдааныг Орхон аймгийн Засаг дарга С.Батжаргал удирдан явууллаа. Хуралдааны эхэнд өмнөх шуурхай зөвлөгөөнөөс өгөгдсөн үүрэг даалгаврын биелэлт,  аймгийн ЗДТГ-ын 70353511 дугаар иргэдээс ирсэн хүсэлт гомдлын талаар холбогдох мэргэжилтнүүд мэдээлэл хийв.
            Мөн түүнчлэн “хожуул” төслийн явцын талаар танилцууллаа. Манай улсад босоо мод унагаж түлшинд ашиглах нь хуулиар хориотой. "Хожуул” төслийн гол зорилго нь одоо нөөцөлж байгаад дүн өвлийн цагт түлээ түлш ховордох, үнэ нэмэгдсэн тохиолдолд гаргаж иргэддээ хямд үнээр нийлүүлэх зорилготой аж. Ингэснээр байгалийн нөөцийг зүй зохистой ашиглах, түлшний модны үнийг тогтворжуулахад чиглэгдэх ёстой юм.
            Хотын захирагчийн албаны зүгээс болзошгүй аваарын зардлаар хийгдэж байгаа ажлуудын талаар танилцууллаа.
            Дараа нь Эрүүл мэндийн газрын дарга Д.Сүхээ Короновируст халдварын нөхцөл байдлын талаар мэдээлэл хийлээ. Сүүлийн 7 хоногт  манай аймагт короновируст халдварын 441 шинэ тохиолдол бүртгэгдсэн нь түүний өмнөх  7 хоногоос буурсан үзүүлэлттэй байна. Хамгийн сүүлийн үеийн мэдээгээр манай аймагт Короновируст халдвараас үүдэлтэй нас баралтын тоо 38-д хүрчээ.
            БОЭТ-д Короновируст халдвараар өвдсөн эхчүүдэд зориулсан тасаг тохижуулжээ. Жирэмсэн эхчүүд короновирусийн халдвар авах эрсдэлтэй байна. 9 сарын байдлаар 1051 жирэмсэн эмэгтэй хяналтанд байгаагаас 614 буюу 58 хувь нь халдвар авчээ. Өнөөдрийн байдлаар 43 жирэмсэн эх эмчлэгдэж байна.
            Жаргалант сумын шинэ уурын зуух хэвийн ажиллаж байгаа бөгөөд одоогийн байдлаар 1 болон 3-р зуухыг галлан ажиллуулж байна. Өнөөдрийн байдлаар 180 тонн нүүрсний нөөцтэй байгаа талаар Жаргалант сумын Засаг дарга Б.Зоригтбаяр мэдээллээ.
            Хуралдааны төгсгөлд Засаг даргын зүгээс хэд хэдэн чиглэлээр үүрэг даалгавар өгөв.
            Иргэн ААН-үүдэд барилга байгууламж барих, инженерийн шугам сүлжээ өргөтгөх зорилгоор зам сэтлэх зөвшөөрөл олгож байсан бол одоо хүйтэн сэрүүний улирал ирж байгаа тул өнөөдрөөс эхлэн холбогдох мэргэжлийн байгууллагууд зам сэтлэх зөвшөөрлийг зогсоохоор боллоо. Түүнчлэн энэ зун сэтэлсэн авто болон явган хүний зам, зогсоолуудыг хүйтрэхээс өмнө эргэж хуучин хэвэнд нь оруулах үүрэг даалгавар өглөө.
            Цаашид мод тарих ажлыг эрчимжүүлж, мод үржүүлдэг, иргэн, ААН байгууллагуудыг дэмжиж ажиллана гэдгээ Засаг дарга илэрхийлээ.
            Түүнчлэн шавь нараа массаар нь сурлагын чанарыг ахиулж байгаа сайн багш нарыг шагнаж урамшуулах, алдаршуулж байх талаар анхаарч ажиллахаар боллоо.
 
Мэдээллийн төв

Холбоотой мэдээлэл

Мэдээ унших
Боловсрол

Элсэлтийн ерөнхий шалгалтын бүртгэл хаагдахад НАЙМ хоног үлдлээ

2021-04-28

Элсэлтийн ерөнхий шалгалтын бүртгэл 2021 оны тавдугаар сарын 5-ны 18:00 цагт хаагдана

Мэдээ унших
Боловсрол

ҮНДЭСНИЙ ТАГНУУЛЫН АКАДЕМИЙН ЭЛСЭЛТИЙН БҮРТГЭЛ ЯВАГДАЖ БАЙНА

2021-04-15

Үндэсний тагнуулын академийн бакалаврын зэрэг олгох 4 жилийн сургалтад 2021-2022 оны хичээлийн жилд элсэхийг ...

Мэдээ унших
Боловсрол

НАРИЙН МЭРГЭЖЛИЙН ЭМЧ НАРЫГ ДОКТОРЫН ХӨТӨЛБӨРТ ХАМРУУЛАХ ЧИГЛЭЛЭЭР ФРАНЦ УЛСТАЙ ХАМТАРЧ АЖИЛЛАНА

2021-03-26

Боловсрол, шинжлэх ухааны сайд Л.Энх-Амгалан өнөөдөр Бүгд Найрамдах Франц Улсаас Монгол Улсад суугаа ...

TOП мэдээ

Нийтлэл

Ш. Баянжаргал нийтлэлч

“МАНАЙ ЦЭЦЭРЛЭГ”


Ш. Баянжаргал нийтлэлч

ИХ ГОВИЙН ГАРНИЗОНД /тэмдэглэл/


Биднийг дагах

Шууд эфир