Бидэнтэй хамртан ажиллах

 

Бидэнтэй хамртан ажиллах

Холбоо барих

“ЖУУЛЧИНД ЭЭЛТЭЙ НИСЭХ ОНГОЦНЫ БУУДАЛ”-ЫГ БИЙ БОЛГОХОД ИРГЭНИЙ НИСЭХИЙН САЛБАРТАЙ ХАМТАРНА

Image

Аялал жуулчлалын хөгжлийн төв ТӨҮГ; Иргэний нисэхийн үндэсний төв хамтын ажиллагааны санамж бичигт 2020 оны 12 дугаар сард гарын үсэг зурсан. Хамтын ажиллагааны хүрээнд өнөөдөр /2021.03.22/ “Аялал жуулчлалын салбарыг хөгжүүлэхэд агаарын тээврийн оролцоо” цахим зөвлөгөөнийг зохион байгууллаа. “Жуулчинд ээлтэй нисэх онгоцны буудал” уриан дор зохион байгуулагдсан энэ удаагийн цахим зөвлөгөөнд төрийн болон хувийн хэвшил, орон нутгийн нисэх онгоцны буудлын төлөөлөл бүхий 100 гаруй хүн оролцсон юм.

Орон нутгийн нисэх онгоцны буудлуудын тохижилт; үйлчилгээг сайжруулах; хүний нөөцийг чадавхижуулах; олон улсын стандартыг нэвтрүүлэх ажил хамтын ажиллагааны хүрээнд эхэлснийг АЖХТ-н захирал С. Бат-Эрдэнэ зөвлөгөөний эхэнд онцлов.

Аялал жуулчлалын салбарын өрсөлдөх чадварыг нэмэгдүүлэх; бүтээгдэхүүн; үйлчилгээний соёл; стандартыг дээшлүүлэх; Монгол Улсыг зорих жуулчдын урсгалыг нэмэгдүүлэхийн тулд Иргэний нисэхийн салбартай нягт уялдаатай ажиллах шаардлагатай.

Цар тахлын дараах аялал жуулчлалын салбарын бэлэн байдлыг хангах; аялагчдын итгэлийг сэргээхийн тулд “Жуулчинд ээлтэй нисэх онгоцны буудал” төслийг АЖХТ; ИНҮТ-тэй хамтран эхлүүлж байна. Төслийн хүрээнд АЖХТ холбогдох төрийн болон ТББ; хувийн хэвшлүүдтэй хамтран ажиллахад нээлттэй гэдгийг АЖХТ-ийн захирал С. Бат-Эрдэнэ онцоллоо.

Мөн төслийн хүрээнд “Нэг нисэх буудал-Нэг бизнес төлөвлөгөө” сэдэвт уралдаан зарласан бөгөөд УВС, ГОВЬ-АЛТАЙ, ДОРНОД аймгаас ирүүлсэн төсөл шалгарсныг энэ үеэр зарласан юм. Бүс нутгийн онцлог, брэнд, аялал жуулчлалтай орон нутгийн нисэх онгоцны буудлын үйл ажиллагааг хэрхэн уялдуулж, хөгжүүлэх талаар дээрх 3 аймаг төсөлдөө тодорхой тусгасан бөгөөд хэрэгжих боломжтой гэдгийг ИНҮТ-ийн Хууль, эрх зүй, хамтын ажиллагааны газрын дарга У.Өнөрцэцэг онцолсон юм.

Зөвлөгөөнд БНСУ-ын Инчеоны олон улсын нисэх буудал корпорацийн зүгээс мэндчилгээ дэвшүүллээ. Инчеоны нисэх онгоцны буудал нь сүүлийн 17 жилийн турш салбартаа тэргүүлэн ажиллаж байгаа юм.

Үүний зэрэгцээ Аялал жуулчлалын хөгжлийн төв ТӨҮГ-аас хэрэгжүүлж байгаа “21 аймаг-21 улс” төслийн хүрээнд орон нутгийн нисэх буудлуудтай хамтран ажиллана. Монгол Улсын тэргүүлэх салбарын нэг нь аялал жуулчлал тул цаашид олон талт хамтын ажиллагааг эхлүүлэхээ Аялал жуулчлалын хөгжлийн төв ТӨҮГ-аас мэдэгдлээ.

 

эх сурвалж: mne.mn

Холбоотой мэдээлэл

Мэдээ унших
Байгаль орчин

ТЭРБУМ МОД ТАРИХ ҮНДЭСНИЙ ХӨДӨЛГӨӨНИЙ НЭЭЛТ ОРХОН АЙМАГТ БОЛЛОО

2021-10-05

Орхон аймгийн хэмжээнд нийт газар нутгийн 3 хувьтай тэнцэх хэмжээний газарт 10 сая ширхэг мод тарьж ойн ...

Мэдээ унших
Байгаль орчин

ТЭЭВРИЙН ХЭРЭГСЛЭЭС ҮҮДЭЛТЭЙ АГААРЫН БОХИРДЛЫГ БУУРУУЛНА

2021-03-23

Тээврийн хэрэгслээс үүдэлтэй агаарын бохирдлыг бууруулахад төрийн байгууллагуудын хамтын ажиллагааны ...

Мэдээ унших
Байгаль орчин

ОЛОН УЛСЫН ОЙН ӨДРИЙГ УГТАН ҮНДЭСНИЙ ТАВДУГААР ЧУУЛГАНЫГ ЦАХИМААР ЗОХИОН БАЙГУУЛЛАА

2021-03-19

Нэгдсэн Үндэстний Байгууллагаас жил бүрийн 03 сарын 21-ний өдрийг олон улсын “Ойн өдөр” болгон ...