Бидэнтэй хамртан ажиллах

 

Бидэнтэй хамртан ажиллах

Холбоо барих

ОЛОН УЛСЫН ОЙН ӨДРИЙГ УГТАН ҮНДЭСНИЙ ТАВДУГААР ЧУУЛГАНЫГ ЦАХИМААР ЗОХИОН БАЙГУУЛЛАА

Image

Нэгдсэн Үндэстний Байгууллагаас жил бүрийн 03 сарын 21-ний өдрийг олон улсын “Ойн өдөр” болгон  ядуурлыг бууруулах, тогтвортой хөгжлийн зорилтуудыг  хэрэгжүүлэхэд ойн ач холбогдол, үүргийг дүгнэж, ойн нөөцийн төлөв байдлыг сайжруулахад улс орнуудын анхаарлыг хандуулдаг. Тухайлбал, 2020 онд Ой ба биологийн олон янз байдал гэсэн сэдвийг онцгойлсон бөгөөд Монгол улс ойн сан бүхий 9 газрыг улсын тусгай хамгаалалтад хамруулж, 4000 га ойн талбайг нөхөн сэргээж, байгалийн ойн нөхөн сэргээлтийг дэмжсэн үр дүнтэйгээр хувь нэмэр оруулсан байна. Энэ жилийн хувьд “Ойг нөхөн сэргээх”  сэдвийн хүрээнд тэмдэглэн өнгөрүүлэхээр НҮБ-ын Хүнс, хөдөө аж ахуйн байгууллагаас зарласан.

  

Олон улсын ойн өдрийг угтан БОАЖЯ, НҮБ-ын Хүнс, хөдөө аж ахуйн байгууллага, Газарзүй экологийн  хүрээлэн, Ногоон хэрэм төсөл, МУИС, Хургатай хайрхан ХХК-тай хамтран өнөөдөр “Монгол орны ойн нөхөн сэргээлтийн өнөөгийн байдал, цаашдын чиг хандлага” сэдэвт үндэсний 5 дугаар чуулган, “Оройн нахиа” оюутны эрдэм шинжилгээний бага хурлыг цахимаар зохион байгууллаа. Энэ үеэр Ойн салбарын 200 гаруй төлөөлөл оролцож ойн нөхөн сэргээлт, ойжуулалтын өнөөгийн байдал, тулгамдсан асуудал цаашдын чиг хандлагын талаар илтгэл танилцуулан, санал, шүүмжлэл, дүгнэлтээ хэлэлцлээ. 

 

Мөн хуралдааны хүрээнд Ханын илтгэлийн шалгаруулалтанд ирсэн илтгэлүүдээс агуулга, илтгэх чадвар, ханын илтгэлийн форматын дагуу бэлтгэсэн байдал зэргийг харгалзан үзэж 3 илтгэлийг шалгаруулсан. Үүнд:

1-р байранд БОАЖЯ-ны ОБЗГ-ын мэргэжилтэн, МУИС-ын докторант Д.Жагдаг нарын “ Хүлэмж болон ил талбайд ургуулсан Сибирь гацуурын (Picea obavata Ldb.) тарьцын өсөлт, газрын дээд болон доод хэсгийн биомассын харьцуулсан судалгаа” сэдэвт ханын илтгэл,

2-р байранд ШУА-ийн Газарзүй, геоэкологийн хүрээлэнгийн ОНОХС-ын ЭШАА, доктор Д.Цэндсүрэн нарын “Ногоон бүсийн хушин ойн байгалийн сэргэн ургалтын төлөв байдал” сэдэвт ханын илтгэл,

3-р байранд МУИС, ХШУИС-ын докторант Б.Отгонсайхан нарын “Улаанбаатар хотын ногоон байгууламжийн модлог ургамлын олон янз байдал” сэдэвт ханын илтгэл тус тус шалгарч мөнгөн шагнал, өргөмжлөлийг гардууллаа.

Түүнчлэн хамтран зохион байгуулагч МУИС-ийн Хэрэглээний шинжлэх ухаан, инженерчлэлийн сургуулийн оройн нахиа оюутны эрдэм шинжилгээний 6 хурлыг зохион байгуулж, шилдэг илтгэгч нарыг сонгон шалгарууллаа.

Холбоотой мэдээлэл

Мэдээ унших
Байгаль орчин

ТЭРБУМ МОД ТАРИХ ҮНДЭСНИЙ ХӨДӨЛГӨӨНИЙ НЭЭЛТ ОРХОН АЙМАГТ БОЛЛОО

2021-10-05

Орхон аймгийн хэмжээнд нийт газар нутгийн 3 хувьтай тэнцэх хэмжээний газарт 10 сая ширхэг мод тарьж ойн ...

Мэдээ унших
Байгаль орчин

ТЭЭВРИЙН ХЭРЭГСЛЭЭС ҮҮДЭЛТЭЙ АГААРЫН БОХИРДЛЫГ БУУРУУЛНА

2021-03-23

Тээврийн хэрэгслээс үүдэлтэй агаарын бохирдлыг бууруулахад төрийн байгууллагуудын хамтын ажиллагааны ...

Мэдээ унших
Байгаль орчин

“ЖУУЛЧИНД ЭЭЛТЭЙ НИСЭХ ОНГОЦНЫ БУУДАЛ”-ЫГ БИЙ БОЛГОХОД ИРГЭНИЙ НИСЭХИЙН САЛБАРТАЙ ХАМТАРНА

2021-03-23

Аялал жуулчлалын хөгжлийн төв ТӨҮГ; Иргэний нисэхийн үндэсний төв хамтын ажиллагааны санамж бичигт 2020 ...